- الو.... الو .... مين معايا؟
- انا علاء مبارك
- علاء مبارك مين ؟!
- - علاء ابن الرئيس حسنى مبارك

6781_32m.jpg


- سلام قول من رب رحيم ..... يا اخى من فضلك انا مشغول بلاش هذار
- مش حضرتك استاذ سعيد أباظه المحامى
- ايوه انا سعيد اباظه المحامى
- ومش حضرتك اللى طلعت مع وائل الابرشى عشان تترشح لرياسه الجمهوريه ؟
- ايو صحيح انا
- طيب الرئيس عاوزك انت اللى تترافع عنه
- وهو الريس عرف اسمى منين وجاب اذاى رقم تليفونى
- الريس عنده ملف جاله من امن الدوله من ساعه لما اعلنت عن ترشيحك بالاماره انت مكتبك فى دار السلام ...
- لا ياعلاء بيه مكتبى اتنقل فى السيده زينب الان
- طيب ده هيأثر فى التوكيل اللى عمله الريس
- لالالا بس الحقيقه انا مش متخيل الكلام اللى بتقوله سعادتك وانت فاجأتنى
- وانا كمان كان اسم حضرتك مفاجأه ليه لكن الريس هو اللى اصر عليك وعلى فكره اللى هتطلبه الريس قال
نفذوا طلباته وانا الحقيقه رجعت ملف حضرتك لقيت ان اكبر قضيه معدتش ال رقم وامامه ثلاثه او اربع اصفار صح
- ايوه صح ده كمان ظاهر عندك فى الملف علاء بيه؟
- ايوه كله مسجل عندى مش كنت داخل سباق الر ياسه فى 2005 حضرتك نسيت ولا ايه والملف ده كان مفتوح من
- ساعه انتخابات 2005 ومش حضرتك برضه اللى موكل الان عن جاسوس الطاقه النوويه وبتكافح عشان تخرجه وبتقول انه برىء خلاص بابا الريس هو كمان برىء من الاتهامات كلها ده .......هيه قلت ايه ؟
- علاء بيه انا لولا انى مقتنع ببراءه الولد اللى قالوا عليه جاسوس مكنتش قبلت قضيته والحمد لله مخدتش فيها مليم احمرلكن باب الرئيس مبارك عمل بلاوى كثيره قوى اقلهم موضوع الفلوس اللى مهربها ياعلاء
- ماهو انا قلتلك بابا معملش حاجه خالص وكل ده افترى عليه
- ياعلاء معقوله كلامك ده وحسابات سويسرا ولندن وفلوس المكتب اللى باسم ماما سوزان والكلام الهباب اللى قاله حبيب العادلى انه الامر جاله من بابا والهباب اللى قالوا سامح بتاع البترول ان بابا اللى قالوا اد الغاز لاسرائيل والاراضى اللى اعطاها لحماك ده غير بلاوى اخوك جمال وصاحبه احمد عز القضيه كبيره قوى ياعلاء وصعب قوى عليه ده يعنى لو انا رضيت اقبلها ده هيخرج من نقره يقع فى دحديره ابوك نيلها خالص ياعلاء اسف اسف انى بقولك كده انا عارف انه ممكن اخرجه من القضايا ده ذى الشعره من العجين لكن ...
- لكن الريس قرر ان يقدم لحضرتك شيك ب مليون جنيه تحت الحساب
- علاء بيه هو الريس مش حسابه محجوز على حساباته يبقى الشيك هيتصرف اذاى ؟
- ايوه صحيح مش مشكله هيوصلك مليون جنيه كاش عدا ونقدا بس قوللى قبلت الوكاله وانك تدافع عن الريس ولا لا؟؟؟
*****بابا ..... بابا ...... اصحى ... الموبيل بتاعك بيرن ..... انت كنت نايم بتشخر جامد
****نايم ....بشخر .... منك لله كنت استنى اقبض المليون جنيه واتصور معاهم وبعدين صحينى ....
*****مليون جنيه ايه..... انت كنت بتحلم !!
*****اه ياربى على الكوابيس ..... هو انا اتعشيت ايه امبارج ......
*****اتعشيت زبادى وبس
*****طيب فكرينى بكره اتعشى زبادى وبس وانام بدرى يمكن باقى الحلم يكمل !!!
ومالحقتش ارد على الريس
ياترى كنت هرد اقول ايه فى الحلم ؟؟؟؟هل هقبض المليون جنيه ؟ ولا هرفض المليون جنيه ؟
اوعدكم انى احكى بقيه الحلم وردى على علاء بيه مبارك لما احلم الجزء الثانى .بس توقعاتكم ايه !!!؟
الى اللقاء فى الجزء الثانى من حلم نتائج ثوره 25 يناير !!!

محامون بلاقيود